Dakshinamurthy Stotram in Telugu – with transliteration
Attributed to Adi Shankaracharya: the 1910 and 1953 printed editions name him and call it Dakshinamurthy Ashtakam. Nine verses and a closing verse. (Other, different hymns to Dakshinamurthy also exist under the same name.)
Dakshinamurthy Stotram
విశ్వం దర్పణదృశ్యమాననగరీతుల్యం నిజాంతర్గతం పశ్యన్నాత్మని మాయయా బహిరివోద్భూతం యథా నిద్రయా ।
యః సాక్షాత్కురుతే ప్రబోధసమయే స్వాత్మానమేవాద్వయం తస్మై శ్రీగురుమూర్తయే నమ ఇదం శ్రీదక్షిణామూర్తయే ॥ 1 ॥
viśvaṃ darpaṇadṛśyamānanagarītulyaṃ nijāntargataṃ paśyannātmani māyayā bahirivodbhūtaṃ yathā nidrayā |
yaḥ sākṣātkurute prabodhasamaye svātmānamevādvayaṃ tasmai śrīgurumūrtaye nama idaṃ śrīdakṣiṇāmūrtaye || 1 ||
బీజస్యాంతరివాంకురో జగదిదం ప్రాఙ్నిర్వికల్పం పునర్మాయాకల్పితదేశకాలకలనావైచిత్ర్యచిత్రీకృతమ్ ।
మాయావీవ విజృంభయత్యపి మహాయోగీవ యః స్వేచ్ఛయా తస్మై శ్రీగురుమూర్తయే నమ ఇదం శ్రీదక్షిణామూర్తయే ॥ 2 ॥
bījasyāntarivāṅkuro jagadidaṃ prāṅnirvikalpaṃ punarmāyākalpitadeśakālakalanāvaicitryacitrīkṛtam |
māyāvīva vijṛmbhayatyapi mahāyogīva yaḥ svecchayā tasmai śrīgurumūrtaye nama idaṃ śrīdakṣiṇāmūrtaye || 2 ||
యస్యైవ స్ఫురణం సదాత్మకమసత్కల్పార్థకం భాసతే సాక్షాత్తత్త్వమసీతి వేదవచసా యో బోధయత్యాశ్రితాన్ ।
యత్సాక్షాత్కరణాద్భవేన్న పునరావృత్తిర్భవాంభోనిధౌ తస్మై శ్రీగురుమూర్తయే నమ ఇదం శ్రీదక్షిణామూర్తయే ॥ 3 ॥
yasyaiva sphuraṇaṃ sadātmakamasatkalpārthakaṃ bhāsate sākṣāttattvamasīti vedavacasā yo bodhayatyāśritān |
yatsākṣātkaraṇādbhavenna punarāvṛttirbhavāmbhonidhau tasmai śrīgurumūrtaye nama idaṃ śrīdakṣiṇāmūrtaye || 3 ||
నానాచ్ఛిద్రఘటోదరస్థితమహాదీపప్రభాభాస్వరం జ్ఞానం యస్య తు చక్షురాదికరణద్వారా బహిః స్పందతే ।
జానామీతి తమేవ భాంతమనుభాత్యేతత్సమస్తం జగత్తస్మై శ్రీగురుమూర్తయే నమ ఇదం శ్రీదక్షిణామూర్తయే ॥ 4 ॥
nānācchidraghaṭodarasthitamahādīpaprabhābhāsvaraṃ jñānaṃ yasya tu cakṣurādikaraṇadvārā bahiḥ spandate |
jānāmīti tameva bhāntamanubhātyetatsamastaṃ jagattasmai śrīgurumūrtaye nama idaṃ śrīdakṣiṇāmūrtaye || 4 ||
దేహం ప్రాణమపీంద్రియాణ్యపి చలాం బుద్ధిం చ శూన్యం విదుః స్త్రీబాలాంధజడోపమాస్త్వహమితి భ్రాంతా భృశం వాదినః ।
మాయాశక్తివిలాసకల్పితమహావ్యామోహసంహారిణే తస్మై శ్రీగురుమూర్తయే నమ ఇదం శ్రీదక్షిణామూర్తయే ॥ 5 ॥
dehaṃ prāṇamapīndriyāṇyapi calāṃ buddhiṃ ca śūnyaṃ viduḥ strībālāndhajaḍopamāstvahamiti bhrāntā bhṛśaṃ vādinaḥ |
māyāśaktivilāsakalpitamahāvyāmohasaṃhāriṇe tasmai śrīgurumūrtaye nama idaṃ śrīdakṣiṇāmūrtaye || 5 ||
రాహుగ్రస్తదివాకరేందుసదృశో మాయాసమాచ్ఛాదనాత్సన్మాత్రః కరణోపసంహరణతో యోఽభూత్సుషుప్తః పుమాన్ ।
ప్రాగస్వాప్సమితి ప్రబోధసమయే యః ప్రత్యభిజ్ఞాయతే తస్మై శ్రీగురుమూర్తయే నమ ఇదం శ్రీదక్షిణామూర్తయే ॥ 6 ॥
rāhugrastadivākarendusadṛśo māyāsamācchādanātsanmātraḥ karaṇopasaṃharaṇato yo'bhūtsuṣuptaḥ pumān |
prāgasvāpsamiti prabodhasamaye yaḥ pratyabhijñāyate tasmai śrīgurumūrtaye nama idaṃ śrīdakṣiṇāmūrtaye || 6 ||
బాల్యాదిష్వపి జాగ్రదాదిషు తథా సర్వాస్వవస్థాస్వపి వ్యావృత్తాస్వనువర్తమానమహమిత్యంతః స్ఫురంతం సదా ।
స్వాత్మానం ప్రకటీకరోతి భజతాం యో ముద్రయా భద్రయా తస్మై శ్రీగురుమూర్తయే నమ ఇదం శ్రీదక్షిణామూర్తయే ॥ 7 ॥
bālyādiṣvapi jāgradādiṣu tathā sarvāsvavasthāsvapi vyāvṛttāsvanuvartamānamahamityantaḥ sphurantaṃ sadā |
svātmānaṃ prakaṭīkaroti bhajatāṃ yo mudrayā bhadrayā tasmai śrīgurumūrtaye nama idaṃ śrīdakṣiṇāmūrtaye || 7 ||
విశ్వం పశ్యతి కార్యకారణతయా స్వస్వామిసంబంధతః శిష్యాచార్యతయా తథైవ పితృపుత్రాద్యాత్మనా భేదతః ।
స్వప్నే జాగ్రతి వా య ఏష పురుషో మాయాపరిభ్రామితస్తస్మై శ్రీగురుమూర్తయే నమ ఇదం శ్రీదక్షిణామూర్తయే ॥ 8 ॥
viśvaṃ paśyati kāryakāraṇatayā svasvāmisambandhataḥ śiṣyācāryatayā tathaiva pitṛputrādyātmanā bhedataḥ |
svapne jāgrati vā ya eṣa puruṣo māyāparibhrāmitastasmai śrīgurumūrtaye nama idaṃ śrīdakṣiṇāmūrtaye || 8 ||
భూరంభాంస్యనలోఽనిలోఽంబరమహర్నాథో హిమాంశుః పుమానిత్యాభాతి చరాచరాత్మకమిదం యస్యైవ మూర్త్యష్టకమ్ ।
నాన్యత్కించన విద్యతే విమృశతాం యస్మాత్పరస్మాద్విభోస్తస్మై శ్రీగురుమూర్తయే నమ ఇదం శ్రీదక్షిణామూర్తయే ॥ 9 ॥
bhūrambhāṃsyanalo'nilo'mbaramaharnātho himāṃśuḥ pumānityābhāti carācarātmakamidaṃ yasyaiva mūrtyaṣṭakam |
nānyatkiñcana vidyate vimṛśatāṃ yasmātparasmādvibhostasmai śrīgurumūrtaye nama idaṃ śrīdakṣiṇāmūrtaye || 9 ||
Phalashruti (closing verses)
సర్వాత్మత్వమితి స్ఫుటీకృతమిదం యస్మాదముష్మింస్తవే తేనాస్య శ్రవణాత్తదర్థమననాద్ధ్యానాచ్చ సంకీర్తనాత్ ।
సర్వాత్మత్వమహావిభూతిసహితం స్యాదీశ్వరత్వం స్వతః సిధ్యేత్తత్పునరష్టధా పరిణతం చైశ్వర్యమవ్యాహతమ్ ॥ 10 ॥
sarvātmatvamiti sphuṭīkṛtamidaṃ yasmādamuṣmiṃstave tenāsya śravaṇāttadarthamananāddhyānācca saṅkīrtanāt |
sarvātmatvamahāvibhūtisahitaṃ syādīśvaratvaṃ svataḥ sidhyettatpunaraṣṭadhā pariṇataṃ caiśvaryamavyāhatam || 10 ||
In brief
Each verse ends 'tasmai śrīgurumūrtaye nama idaṃ śrīdakṣiṇāmūrtaye' – 'this salutation to Sri Dakshinamurthy, the form of the guru'. The verses teach through images: the world seen within oneself like a city reflected in a mirror, as in a dream; the world held in the Self like a sprout in a seed; knowledge shining out through the senses like the light of a lamp through the holes of a pot; the same 'I' present in childhood and old age, waking, dream and deep sleep, which the guru reveals with the gesture of knowledge. Earth, water, fire, air, space, sun, moon and the individual are called his eight forms. The closing verse says that hearing, reflecting on, meditating on and reciting it leads to knowing oneself as the Self of all.
When it is commonly recited
- Guru Pournami – 2026: 29 July 2026 · 2027: 18 July 2027
- Kartika Masam – 2026: 10 November 2026 · 2027: 30 October 2027
- Maha Shivaratri – 2026: 15 February 2026 · 2027: 6 March 2027
Common practice in Telugu households; dates are for Hyderabad – other cities are on each festival page.
Source of the text and how it was checked
Transcribed from public-domain editions and compared word by word with the other sources listed; every reading on this page is found in at least two of them unless noted below. The Telugu script and the transliteration are generated from the same text.
- sa.wikisource dakṣiṇāmūrtyaṣṭakam (Shankaracharya stotrani 1910 scan, rev 289323)
- sa.wikisource dakṣiṇāmūrtyaṣṭakam (bṛhatstotraratnākarāntargatam) (BSR 1953 scan, rev 320136)
- sa.wikisource dakṣiṇāmūrtistotram (rev 31234)
Readings where the sources differ: v1 yathā nidrayā (1910, 1953; sa yadā) · v2 prāṅnirvikalpaṃ punaḥ (1910, sa; 1953 śanaiḥ) · v3 asatkalpārthakaṃ (1953, sa; 1910 asatkalpārthagaṃ) · the 1953 edition opens with a dhyana verse (mandasmitaṃ sphuritamugdhamukhāravindaṃ…) that is in no other source and is left out · v8 paribhrāmitastasmai and v10 dhyānācca: correct sandhi; the sources differ only by scanning errors (1953 paribhrāmitatasmai, 1910 dhyānā ñca)
Related stotras
Lingashtakam · Shiva Panchakshara Stotram · Shiva Tandava Stotram · Kalabhairava Ashtakam · Shiva Manasa Puja
More stotras
Hanuman Chalisa · Sri Vishnu Sahasranamam · Sri Lalitha Sahasranamam · Sri Venkateswara Suprabhatam · Aditya Hrudayam · Mahishasura Mardini Stotram · Kanakadhara Stotram · Mahalakshmi Ashtakam · Sankata Nashana Ganesha Stotram · Ganesha Pancharatnam · Subrahmanya Ashtakam (Karavalamba Stotram) · Navagraha Stotram · Madhurashtakam
FAQ
How many verses does Dakshinamurthy Stotram have?
The text on this page has 10 numbered verses (verses: 9, Phalashruti (closing verses): 1).
Where does Dakshinamurthy Stotram come from?
Attributed to Adi Shankaracharya: the 1910 and 1953 printed editions name him and call it Dakshinamurthy Ashtakam. Nine verses and a closing verse. (Other, different hymns to Dakshinamurthy also exist under the same name.)
When is Dakshinamurthy Stotram recited?
In Telugu households it is commonly recited at Guru Pournami, Kartika Masam, Maha Shivaratri; many people read it daily.