లింగాష్టకం – తెలుగులో పూర్తి పాఠం

బ్రహ్మమురారిసురార్చితలింగం నిర్మలభాసితశోభితలింగమ్ ।
జన్మజదుఃఖవినాశకలింగం తత్ప్రణమామి సదాశివలింగమ్ ॥ 1 ॥

brahmamurārisurārcitaliṅgaṃ nirmalabhāsitaśobhitaliṅgam |
janmajaduḥkhavināśakaliṅgaṃ tatpraṇamāmi sadāśivaliṅgam || 1 ||

దేవమునిప్రవరార్చితలింగం కామదహనకరుణాకరలింగమ్ ।
రావణదర్పవినాశకలింగం తత్ప్రణమామి సదాశివలింగమ్ ॥ 2 ॥

devamunipravarārcitaliṅgaṃ kāmadahanakaruṇākaraliṅgam |
rāvaṇadarpavināśakaliṅgaṃ tatpraṇamāmi sadāśivaliṅgam || 2 ||

సర్వసుగంధిసులేపితలింగం బుద్ధివివర్ధనకారణలింగమ్ ।
సిద్ధసురాసురవందితలింగం తత్ప్రణమామి సదాశివలింగమ్ ॥ 3 ॥

sarvasugandhisulepitaliṅgaṃ buddhivivardhanakāraṇaliṅgam |
siddhasurāsuravanditaliṅgaṃ tatpraṇamāmi sadāśivaliṅgam || 3 ||

కనకమహామణిభూషితలింగం ఫణిపతివేష్టితశోభితలింగమ్ ।
దక్షసుయజ్ఞవినాశనలింగం తత్ప్రణమామి సదాశివలింగమ్ ॥ 4 ॥

kanakamahāmaṇibhūṣitaliṅgaṃ phaṇipativeṣṭitaśobhitaliṅgam |
dakṣasuyajñavināśanaliṅgaṃ tatpraṇamāmi sadāśivaliṅgam || 4 ||

కుంకుమచందనలేపితలింగం పంకజహారసుశోభితలింగమ్ ।
సంచితపాపవినాశనలింగం తత్ప్రణమామి సదాశివలింగమ్ ॥ 5 ॥

kuṅkumacandanalepitaliṅgaṃ paṅkajahārasuśobhitaliṅgam |
sañcitapāpavināśanaliṅgaṃ tatpraṇamāmi sadāśivaliṅgam || 5 ||

దేవగణార్చితసేవితలింగం భావైర్భక్తిభిరేవ చ లింగమ్ ।
దినకరకోటిప్రభాకరలింగం తత్ప్రణమామి సదాశివలింగమ్ ॥ 6 ॥

devagaṇārcitasevitaliṅgaṃ bhāvairbhaktibhireva ca liṅgam |
dinakarakoṭiprabhākaraliṅgaṃ tatpraṇamāmi sadāśivaliṅgam || 6 ||

అష్టదలోపరివేష్టితలింగం సర్వసముద్భవకారణలింగమ్ ।
అష్టదరిద్రవినాశనలింగం తత్ప్రణమామి సదాశివలింగమ్ ॥ 7 ॥

aṣṭadalopariveṣṭitaliṅgaṃ sarvasamudbhavakāraṇaliṅgam |
aṣṭadaridravināśanaliṅgaṃ tatpraṇamāmi sadāśivaliṅgam || 7 ||

సురగురుసురవరపూజితలింగం సురవనపుష్పసదార్చితలింగమ్ ।
పరాత్పరం పరమాత్మకలింగం తత్ప్రణమామి సదాశివలింగమ్ ॥ 8 ॥

suragurusuravarapūjitaliṅgaṃ suravanapuṣpasadārcitaliṅgam |
parātparaṃ paramātmakaliṅgaṃ tatpraṇamāmi sadāśivaliṅgam || 8 ||

లింగాష్టకమిదం పుణ్యం యః పఠేచ్ఛివసన్నిధౌ ।
శివలోకమవాప్నోతి శివేన సహ మోదతే ॥

liṅgāṣṭakamidaṃ puṇyaṃ yaḥ paṭhecchivasannidhau |
śivalokamavāpnoti śivena saha modate ||