శివ పంచాక్షరీ స్తోత్రం – తెలుగులో పూర్తి పాఠం

నాగేంద్రహారాయ త్రిలోచనాయ భస్మాంగరాగాయ మహేశ్వరాయ ।
నిత్యాయ శుద్ధాయ దిగంబరాయ తస్మై నకారాయ నమః శివాయ ॥ 1 ॥

nāgendrahārāya trilocanāya bhasmāṅgarāgāya maheśvarāya |
nityāya śuddhāya digambarāya tasmai nakārāya namaḥ śivāya || 1 ||

మందాకినీసలిలచందనచర్చితాయ నందీశ్వరప్రమథనాథమహేశ్వరాయ ।
మందారముఖ్యబహుపుష్పసుపూజితాయ తస్మై మకారాయ నమః శివాయ ॥ 2 ॥

mandākinīsalilacandanacarcitāya nandīśvarapramathanāthamaheśvarāya |
mandāramukhyabahupuṣpasupūjitāya tasmai makārāya namaḥ śivāya || 2 ||

శివాయ గౌరీవదనాబ్జబృందసూర్యాయ దక్షాధ్వరనాశకాయ ।
శ్రీనీలకంఠాయ వృషధ్వజాయ తస్మై శికారాయ నమః శివాయ ॥ 3 ॥

śivāya gaurīvadanābjabṛndasūryāya dakṣādhvaranāśakāya |
śrīnīlakaṇṭhāya vṛṣadhvajāya tasmai śikārāya namaḥ śivāya || 3 ||

వసిష్ఠకుంభోద్భవగౌతమార్యమునీంద్రదేవార్చితశేఖరాయ ।
చంద్రార్కవైశ్వానరలోచనాయ తస్మై వకారాయ నమః శివాయ ॥ 4 ॥

vasiṣṭhakumbhodbhavagautamāryamunīndradevārcitaśekharāya |
candrārkavaiśvānaralocanāya tasmai vakārāya namaḥ śivāya || 4 ||

యక్షస్వరూపాయ జటాధరాయ పినాకహస్తాయ సనాతనాయ ।
దివ్యాయ దేవాయ దిగంబరాయ తస్మై యకారాయ నమః శివాయ ॥ 5 ॥

yakṣasvarūpāya jaṭādharāya pinākahastāya sanātanāya |
divyāya devāya digambarāya tasmai yakārāya namaḥ śivāya || 5 ||

పంచాక్షరమిదం పుణ్యం యః పఠేచ్ఛివసన్నిధౌ ।
శివలోకమవాప్నోతి శివేన సహ మోదతే ॥

pañcākṣaramidaṃ puṇyaṃ yaḥ paṭhecchivasannidhau |
śivalokamavāpnoti śivena saha modate ||