నవగ్రహ స్తోత్రం – తెలుగులో పూర్తి పాఠం

జపాకుసుమసంకాశం కాశ్యపేయం మహాద్యుతిమ్ ।
తమోఽరిం సర్వపాపఘ్నం ప్రణతోఽస్మి దివాకరమ్ ॥ 1 ॥

japākusumasaṅkāśaṃ kāśyapeyaṃ mahādyutim |
tamo'riṃ sarvapāpaghnaṃ praṇato'smi divākaram || 1 ||

దధిశంఖతుషారాభం క్షీరోదార్ణవసంభవమ్ ।
నమామి శశినం సోమం శంభోర్ముకుటభూషణమ్ ॥ 2 ॥

dadhiśaṅkhatuṣārābhaṃ kṣīrodārṇavasambhavam |
namāmi śaśinaṃ somaṃ śambhormukuṭabhūṣaṇam || 2 ||

ధరణీగర్భసంభూతం విద్యుత్కాంతిసమప్రభమ్ ।
కుమారం శక్తిహస్తం తం మంగలం ప్రణమామ్యహమ్ ॥ 3 ॥

dharaṇīgarbhasambhūtaṃ vidyutkāntisamaprabham |
kumāraṃ śaktihastaṃ taṃ maṅgalaṃ praṇamāmyaham || 3 ||

ప్రియంగుకలికాశ్యామం రూపేణాప్రతిమం బుధమ్ ।
సౌమ్యం సౌమ్యగుణోపేతం తం బుధం ప్రణమామ్యహమ్ ॥ 4 ॥

priyaṅgukalikāśyāmaṃ rūpeṇāpratimaṃ budham |
saumyaṃ saumyaguṇopetaṃ taṃ budhaṃ praṇamāmyaham || 4 ||

దేవానాం చ ఋషీణాం చ గురుం కాంచనసన్నిభమ్ ।
బుద్ధిభూతం త్రిలోకేశం తం నమామి బృహస్పతిమ్ ॥ 5 ॥

devānāṃ ca ṛṣīṇāṃ ca guruṃ kāñcanasannibham |
buddhibhūtaṃ trilokeśaṃ taṃ namāmi bṛhaspatim || 5 ||

హిమకుందమృణాలాభం దైత్యానాం పరమం గురుమ్ ।
సర్వశాస్త్రప్రవక్తారం భార్గవం ప్రణమామ్యహమ్ ॥ 6 ॥

himakundamṛṇālābhaṃ daityānāṃ paramaṃ gurum |
sarvaśāstrapravaktāraṃ bhārgavaṃ praṇamāmyaham || 6 ||

నీలాంజనసమాభాసం రవిపుత్రం యమాగ్రజమ్ ।
ఛాయామార్తండసంభూతం తం నమామి శనైశ్చరమ్ ॥ 7 ॥

nīlāñjanasamābhāsaṃ raviputraṃ yamāgrajam |
chāyāmārtaṇḍasambhūtaṃ taṃ namāmi śanaiścaram || 7 ||

అర్ధకాయం మహావీర్యం చంద్రాదిత్యవిమర్దనమ్ ।
సింహికాగర్భసంభూతం తం రాహుం ప్రణమామ్యహమ్ ॥ 8 ॥

ardhakāyaṃ mahāvīryaṃ candrādityavimardanam |
siṃhikāgarbhasambhūtaṃ taṃ rāhuṃ praṇamāmyaham || 8 ||

పలాశపుష్పసంకాశం తారకాగ్రహమస్తకమ్ ।
రౌద్రం రౌద్రాత్మకం ఘోరం తం కేతుం ప్రణమామ్యహమ్ ॥ 9 ॥

palāśapuṣpasaṅkāśaṃ tārakāgrahamastakam |
raudraṃ raudrātmakaṃ ghoraṃ taṃ ketuṃ praṇamāmyaham || 9 ||